ABŞ Mərkəzi Kəşfiyyat İdarəsi (MKİ) Türkiyə hökumətindəki siyasilərin telefon danışıqlarını dinləyib. Belə bir iddia ilə dünən Almaniyada dərc edilən “Der NSA Komplex” adlı kitabın müəllifi çıxış edib. Kitabda qeyd edilən məlumata görə, MKİ-nin hökumət başçılarının telefon danışıqlarını ən çox dinlədiyi ölkələrin arasında Türkiyə də var.

ANS PRESS-in məlumatına görə, MKİ-nin keçmiş əməkdaşı Edvard Snoudenin mətbuata sızdırdığı gizli sənədlərə geniş yer verilən kitabda qeyd olunur ki, MKİ telefon danışıqlarını izlədikdən sonra onların məzmununu Ağ Evə təqdim edir.

İddiyaya görə, MKİ ABŞ-dakı bir çox səfirlikləri də dinləyib. Belə ki, 2010-cu ildə Türkiyə, Fransa, İtaliya və Yunanıstan səfirliklərinin telefon danışıqlarını gizli şəkildə izləyib. Hazırda isə ABŞ-da yerləşən müxtəlif ölkələrin 28 səfirliyi və konsulluğu MKİ tərəfindən dinlənilir.