Bu gündən ABŞ-a gedən təyyarə sərnişinlərinə qarşı seçim qaydasında sərtləşdirilmiş baxış qaydaları tətbiq olunacaq. ABŞ Nəqliyyat Təhlükəsizliyi İdarəsinin məlumatına görə, Nigeriya, Yəmən, Pakistan, İran, Sudar, Suriya və Kubadan gələn sərnişinlər xüsusilə diqqətlə yoxlanılacaqlar. Bu sərnişinlər həm şəxsi baxışa məruz qalacaqlar, həm də yükləri yoxlanılacaq.

Qeyd edək ki, Kuba, İran, Sudan və Suriya Birləşmiş Ştatlar tərəfindən terrorçuluğu maliyyələşdirən ölkələrin siyahısına salınıblar. Yeni tələblər ABŞ-a səfərlər həyata keçirən bütün hava yolları şirkətlərinə göndərilib. ANSPRESS