Amerika Birləşmiş Ştatlarında meşə yanğınları mövsümü başlayıb. Kolorado ştatında 85 kvadrat kilometr ərazinin yanması nəticəsində azı 180 ev külə dönüb. Bu, ştat tarixində rekord rəqəm hesab edilir. Yanğın ocaqlarının söndürülməsinə 1600-dən çox yanğınsöndürən və aviasiya cəlb olunub.

Kolorado ştatında hələ bir neçə həftə də quru və isti havanın müşahidə olunacağı proqnozlaşdırıldığından, yanğınların qarşısını tam almaq 1 ay çəkə bilər. Yanğınlara ildırım vurmasının səbəb olduğu ehtimal edilir.