ABŞ-ın Vayominq ştatının Kasper şəhərindəki kollecdə atışma olub. ANS PRESS-in “Fox News” telekanalına istinadən verdiyi məlumata görə, insident nəticəsində üç nəfər ölüb. Cəsədlərdən ikisi kollecin bir binasında, biri isə digər binasında tapılıb. Yaralıların olub-olmadığı məlum deyil.

Kollecin mətbuat katibi bildirib ki, təsdiqlənməmiş məlumatlara görə, insidentdə tələbə və müəllim iştirak edib.

Hadisə səhər saat 9 radələrində baş verib. Bundan sonra kollecin tədris binası bağlanıb.

Kasper kolleci 1945-ci ildə yaradılıb. Hazırda orada 5000-ə yaxın tələbə təhsil alır.