ABŞ-ın Luiziana ştatında baş verən güclü tornado nəticəsində 1 nəfər ölüb, 14 adam xəsarət alıb. Hüquq-mühafizə orqanlarının məlumatına görə, təbii fəlakət ən çox Rayn şəhərinə ziya vurub.

Təbii fəlakət bölgəsində elektrik enerjisinin verilməsi dayandırılıb. Güclü külək çoxlu sayda ağacı kökündən çıxarıb, tikililər, qaz və elektrik xətləri dağılıb.



Hazırda Rayn şəhərində dağıntının qalıqları yığışdırılır, küçələr təmizlənir.



Yerli hökumət sakinlərin vaxtında evakuasiyası ilə bağlı operativ tədbirlər görüb. Bu, insan ölümünün sayının artmasının qarşısını alıb. Yerli səhiyyə xidmətlərinin məlumatına görə, yaralılardan birinin vəziyyəti ağırdır. ANSPRESS