ABŞ-ın Miçiqan ştatının Saqino şəhərində Birləşmiş Ştatların 50 ulduzlu müasir bayrağının dizaynını hazırlayan Robert Heft vəfat edib. Bu barədə məlumatı WSGW radiostansiyası yayıb.
68 yaşlı Robert Heft xəstəxanada ürək çatışmazlığından dünyasını dəyişib. O ömrünün böyük hissəsini Ohayo ştatında keçirib, müəllimliklə məşğul olub və 28 il ərzində Napoleon şəhərinin meri vəzifəsində çalışıb.
ABŞ bayrağının yeni dizaynı 1958-ci ildə hazırlanıb. O zaman məktəbdə oxuyan Robert Heytin 17 yaşı olub. O, sinif yoldaşları ilə birlikdə Alyaska və Havay adalarının 49 və 50-ci ştatlar kimi ABŞ-ın tərkibinə daxil olmasını nəzərdə tutan layihə üzərində işləyib. Müəllim bayrağa görə ona “dörd” yazıb, amma deyib ki, əgər dizayn Konqres tərəfindən qəbul edilsə, qiyməti artıracaq.
Robert Heft sonralar danışırmış ki, 1960-cı ildə onun layihəsi 1500-ə yaxın variant arasında seçildikdən sonra qiyməti doğrudan da artırıblar. Dostlarının sözlərinə görə, o, 50 ulduzlu bayrağın 50 yaşının bayram edilməsini səbirsizliklə gözləyirmiş. ANSPRESS