ABŞ prezidenti Barak Obama “Edison International” energetika şirkətinin keçmiş rəhbəri Con Braysonu ticarət naziri vəzifəsinə təqdim edib. Onun namizədliyini Senat da təsdiqləməlidir.

67 yaşlı Con Brayson əvvəllər BMT-nin enerji və iqlim dəyişikliyi problemləri məsələləri üzrə məşvərət qrupunun üzvü də olub.

Birləşmiş Ştatların hazırkı ticarət naziri Hari Lok tezliklə bu postu tərk edəcək. O, ABŞ-ın Çindəki səfiri vəzifəsinə təyin edilib.