Amerika Birləşmiş Ştatlarının Florida ştatında "Debbi" qasırğası ilə əlaqədar fövqəladə vəziyyət elan olunub. Qasırğa Floida sahillərində dağıntılara səbəb olub. Mütəxəssislər leysan yağışlarla müşayiət olunan qasırğanın daşqın və torpaq sürüşmələrinə də səbəb olacağını proqnozlaşdırırlar. Küləyin sürəti saatda 75 kilometrə çatıb. Qasırğa artıq 35 min evin işıqsız qalmasına səbəb olub.

Florida ştatı ilə yanaşı, Luiziana və Alabama ştatlarında da qasırğa ilə bağlı xəbərdarlıq edilib. Pis hava şəraiti ilə əlaqədar Meksika körfəzində neft və qazın hasil edildiyi platformalarda iş dayandırılıb.