Türkiyə iqtidarı PKK terror təşkilatının rəhbəri Abdullah Öcalanı həbsxanadan azad etməyə hazırlaşır. ANS PRESS-in Haberler.com-a istinadən verdiyi məlumata görə, bu barədə MHP-li millət vəkili Yusif Halaçoğlu açıqlama verib.

O deyib ki, PKK rəhbərinin azad edilməsi üçün plan da hazırlanıb. Millət vəkili bildirib ki, Öcalanın yaşının 65-ə çatması və prostat xərçəngi diaqnozu qoyularaq həbsini ev dustaqlığı ilə əvəz ediləcəyi planlaşdırılır.

Xatırladaq ki, Abdullah Öcalan 4 aprel 1949-cu ildə Urfa vilayətinin Ömərli kəndində anadan olub.Diyarbəkir və Ankara universitetlərində ali idarəçilik təhsili alıb. 1978-ci ildə 19 nəfərlə birlikdə Kürd İşçi Partiyasını (PKK) yaradıb. 1999-cu ildə yüzlərlə türk vətəndaşının qətlində ittiham edilərək ömürlük azadlıqdan məhrum edilib.