ABŞ kitabxanalarından birindən götürülən kitab 99 ildən sonra qaytarılıb. Kitab Massaçusets ştatındakı “New Bedford” kitabxanasına verilib. “Ölkəmin hökuməti haqqında bilməli olduğum məlumatlar” adlı kitabı Stanley Dudek adlı şəxs təhvil verib. O bildirib ki, kitabı anasının əşyaları arasından tapıb.

Qeyd edək ki, 1910-cu ildə kitabxanadan kitab götürən şəxs onu vaxtında qaytarmadığı təqdirdə 1 sent ödəyirmiş. Amerikalının isə bu vaxta qədər yığılıb qalan borcu 361 dollar, 35 sent olub. Müəssisə rəhbərliyi cəriməni ləğv edərək S.Dudekə təşəkkür edib. ANSPRESS