Nigeriyanın şimalında Bauçi şəhərində 800 nəfər həbsxanadan qaçıb. “Associated Press”in yaydığı məlumata görə, ötən gün silahlı şəxslərin həbsxanaya hücumu nəticəsində baş verən atışmada həbsxananın dörd nəfər əməkdaşı qətlə yetirilib, altı nəfər isə ağır yaralanıb. Həbsxana gözətçilərinin öldürülməsindən istifadə edən məhbuslar isə aradan çıxa biliblər. Yerli polisin verdiyi məlumata görə, hadisənin “Boko Haram” radikal qruplaşması tərəfindən törədildiyi ehtimal olunur. ANSPRESS