İraqda yaşayan Hüseyn əl Harsa dünyanın ən uzun Qurani Kərimini yazmağa başlayıb. Uzunluğu 6 000 metr olması gözlənilən Qurani Kərimin sahibi bu addımı ilə adını Ginnesin rekordlar kitabına yazdırmaq istəyir. Müqəddəs Kəlamı qamışla dizinin üstündə yazmağa başlayan Hüseyn bu iş üçün gündə 16 saaat vaxt sərf edir. Hazırda ağır iş şəraiti səbəbilə boyun və bel ağırlarından şikayət edən əl Harsa iş vaxtını azaltmaq barədə fikirləşir. Eninə uzun kağıza yazılan Quranın nə vaxt bitəcəyi barədə isə məlumat verilməyib.

Qeyd edək ki, dünyanın ən uzun Quran kitabı barədə indiyə qədər Ginnesə hər hansı bir müraciət olmayıb.