İngiltərədə yaşayan 4 yaşlı qız öz zəkası ilə hamını heyran qoyub. Haydi Henkinsin “IQ” səviyyəsi məşhur fizikaçı alim Stiven Hokinqin zəka səviyyəsinə yaxındır. Qeyd edək ki, baxçada müəllimləri onun səviyyəsinə uyğun məşğələ tapa bilməsiklərini bildiriblər. Bundan sonra “IQ” testi keçirilən 4 yaşlı Haydinin dəyərlərinin 159 bal olduğu məlum olub.

Yaşının azlığına baxmayaraq toplama-çıxma işlərini bacaran, cismlərin şəkillərini düzgün çəkən və yüksək səviyyədə cümlə quran Haydinin artıq 2 yaşında ikən 7 yaş səviyyəsində kitabları oxuduğu bildirilir.

Beləliklə ibtidai məktəbə başlamadan yüksək zəkalılar klubu olan “MENSA”-ya qəbul edilən Haydinin “IQ” səviyyəsi riyaziyyat dahisi Karol Verdermenmin 154 ballıq zəkasından da yuxarıdır.

Xatırladaq ki, Stiven Hokinqin “IQ” səviyyəsi 160 baldır.