Çilidə baş vermiş zəlzələdən sonra Çilyan şəhərində yerləşən həbsxanadan 269 məhbus qaçıb. Baş vermiş yeraltı təkanlar nəticəsində 4 məhbus isə həbsxananın dağıntıları altında qalaraq dünyasını dəyişib.

Yerli polis həbsxanadan qaçan məhbuslardan 60-nı dərhal yaxalamağa müvəffəq olub.

Xatırladaq ki, Cənubi Amerikada yerləşən Çilidə baş vermiş 8,8 ballıq zəlzələ nəticəsində ölənlərin sayı 122 nəfərə çatır. Hazırda ölkənin sahil boyu ərazilərində isə sunami fəlakəti yaşanmaqdadır. ANSPRESS