İraqın məşhur “Əbu Qureyb” və “Taci” həbsxanalarından məhkumların kütləvi qaçışı olub. “Star” qəzetinin yaydığı xəbərə görə, bu, silahlı bir qrupun həbsxanalara silahlı hücumundan sonra mümkün olub. Məlumata görə, hadisə zamanı tərəflər arasında baş vermiş atışmada 27 nəfər ölüb, 39 nəfər isə müxtəlif dəreəcəli bədən xəsarətləri alıb. 100 məhkum isə həbsxanadan qaçmağa müvəffəq olub.

İraq parlamenti Müdafiə və Təhlükəsizlik komitəsinin üzvü Hakim əz Zamlı bildirib ki, bu cür hücumlar nəticəsində 500 min “Əl Qaidə” terrorçusu İraq həbsxanalarından qaçıb.

Zamlı bu işin belə qalmayacağını, məsələnin araşdırılacağını və məsul şəxslərin cəzalandırılacağını bildirib.