Bu gün Qış Olimpiya Oyunlarının keçiriləcəyi Vankuver şəhərində “Olimpiya şəhərciyi” istifadəyə verilib. Şəhərciyin tikintisi təxminən 3 il davam edib. Açılış mərasimində Vankuver şəhərinin meri Qreqor Robertson iştirak edib.

Şəhərcik Olimpiya oyunlarının keçirilməsinə 100 gün qalmış istifadəyə verilib. “Olimpiya şəhərciyi”nin inşasına ümumilikdə 940 milyon dollar sərf olunub. Burada xəstəxana, ibadətgah, bank, poçt, mağaza, bilet kassası və digər obyektlər tikilib.

Maraqlı fakt ondan ibarətdir ki, Olimpiada iştirakçılarının qalacaqları otaqlar televizor və telefon aparatları ilə təmin edilməyib. Təşkilatçılar Olimpiya oyunları zamanı 2730, Paralimpiya yarışları zamanı isə 350 qonaq qəbul edəcəklərini planlaşdırır.

Atletlərin qəbulu üçün işlər isə dekabradək davam edəcək. ANSPRESS