İtaliyanın baş naziri Silvio Berluskoninin həyat yoldaşı Veronika Lario boşanmaq barədə qərar qəbul edib. Məşhur italyan qəzetlərinin verdiyi məlumata görə, Lario bu məsələni artıq öz vəkili ilə müzakirə edib və onlar bir dəfə görüşüblər.

Qeyd edək ki, Berluskoni və Lario 1980 -ci ildə tanış olublar. Hazırki baş nazir o vaxt uğurlu biznesmen, Lario isə  aktrisa olub.10 ildən sonra onlar vətəndaş nigahına girərək toy ediblər. Cütlüyün 3 uşağı var. Yerli kütləvi informasiya vasitələrinin yaydığı məlumata görə, Lario ilk dəfə olaraq   boşanma haqqında 2008-ci ildə danışıb və bildirib ki, artıq 10 ildir bu barədə düşünür. Son  vaxtlar isə Berluskoni ilə Larionun münasibətləri daha da korlanıb. Lario yolodaşının Avropa Parlamentinə siyasətdən anlayışı olmayan 4 şou-biznes nümayəndəsini göndərmək fikrindən çox qəzəblənib. Sonuncu dəfə isə Larionun əsəbləşməyinin əsas səbəbi Berluskoninin özünün 18 yaşlı qızının ad gününə gəlməməsi olub. /ANSPRESS/