Misirin prezidenti Hüsnü Mübarəkin nəvəsi Muhamməd Mübarək ölüb. ANS PRESS-in “CNN Türk”ə istinadən verdiyi məlumata görə, 12 yaşlı Muhamməd 2 gün davam edən xəstəlik nəticəsində dünyasını dəyişib. Xəbərdə xəstəlik barədə ətraflı məlumat verilməyib.

Misir mətbuatının yaydığı məlumata görə, müalicə üçün Parisə aparılan Muhamməd Mübarəkin cəsədi artıq Qahirəyə gətirilib. Qeyd edək ki, Hüsnü Mübarəkin siyasətlə məşğul olmayan işadamı oğlu Əlanın 6 yaşlı bir oğlu daha var. /ANS PRESS/