Avropa Birliyi (AB) komissiyasının, Belçikanın paytaxtı Brüsseldəki binasında yanğın baş verib. Yanğınsöndürənlər binadakı bir neçə yüz adamı evakuasiya ediblər. Hazırda hadisə yerində 8-ə yaxın yanğınsöndürən briqadası çalışır. Hələlik yanğının səbəbləri barədə məlumat yoxdur. Qeyd edək ki, yanğın
Bakı vaxtı ilə saat 16-da başlayıb. Yanğınsöndürənlərdən biri yanğının binanın zirzəmisindən başlandığını söyləyib. AB komissiyasının məruzəçisi Coy Hennon heç kimin xəsarət almadığını və bu binada tez-tez yanğına qarşı təlimlər keçirildiyindən evakuasiya vaxtı heç bir problemin baş vermədiyini bildirib.

Qeyd edək ki, 14 mərtəbəli bina 1960-cı ildə Avropa Komissiyası üçün layihələşdirilib və 7 il ərzində tikilib.

/ANS PRESS/