“İntel” şirkəti internetdə və s. qarşımıza çıxan iddiaların əksinə iddia olub-olmadığını yoxlayan yeni bir virtual axtarış sistemi qurub. ANS PRESS “CNN Türk”ə istinadən xəbər verir ki, Berkli universitetindəki “İntel” araşdırmaçılarının hazırladığı "Dispute Finder" adlı axtarış sistemi, əsas səhifədəki qutucuğa cümlə kimi yazılan iddianın əksinə olan iddiaları virtual dünyadan tapıb çıxarır. Sistemin bazası isə istifadəçilərin daxil etdiyi məlumatlarla böyüyəcək. “İntel” şirkətinin araşdırmaçılarından biri olan Robert Ennals yeni axtarış sistemi yaradılmasının səbəbini, “Hər gün internetdə çoxlu məlumatlar əldə edirik. Amma bunların medalın sadəcə görünən tərəfi olduğunu bilmirik” – deyə açıqlayıb. Yeni axtarış sistemi bu ünvanda internet istifadəçilərinə xidmət edir. http://disputefinder.cs.berkeley.edu/  /ANS PRESS/