Pakistan məhkəməsi hökumətdən Məhəmməd (s.ə.s) peyğəmbərin karikaturaları müsabiqəsinin keçirildiyi “Facebook” sosial şəbəkəsinə girişin məhdudlaşdırılmasını tələb edib.

Lahor Ali Məhkəməsinə müraciət edən İslam Vəkilləri Forumunun təmsilçisi Ezher Sıddıq bildirib ki, təşkil olunan yarışda İslam peyğəmbəri təhqir olunduğundan məhkəmə may ayının 31-nə qədər sosial şəbəkəyə girişin məhdudlaşdırılması barədə qərar verib. Bundan əlavə, Xarici İşlər Nazirliyindən bu cür yarışın hansı səbəbdən keçirilməsini araşdırmaq tələb edilib.

Pakistan Telekommunikasiya İdarəsi isə hökumətdən internet provayderlərinə peyğəmbərin karikaturalarının dərc olunduğu saytlara girişin bağlanması barədə təlimat verildiyini desə də, bu barədə məhkəmə qərarının hələ ki, təqdim olunmadığını söyləyib. ANSPRESS