Bakının Xəzər rayonunda açılan Gənclər evi hazırda gənclərin sevimli məkanlarındna birinə çevrilib. Öz asudə vaxtlarını səmərəli keçirtmək istəyən gənclər burada müxtəlif xidmətlərdən istifadə edirlər. Gənclərin özlərini bir şəxs kimi müəyyən etməsi üçün bura ən uyğun məkandır. Gənclər və İdman Nazirliyindən ANS PRESS-ə verilən məlumata görə, hazırda paytaxtda yalnız Xəzər rayonu, Şüvəlan qəsəbəsi, Almaz İldırım parkında yerləşir. Lakin gələcəkdə Gəncə, Mingəçevir, Naxçıvan, Sumqayıt, Şəki, Şirvan, Bərdə, Qazax, Quba və Şamaxıda “Gənclər evi”nin yaradılması” nəzərdə tutulur.

Qeyd edək ki, “Gənclər evi” Azərbaycan Respublikası Prezidentinin 2011-ci il 4 may tarixli 1490 nömrəli Sərəncamı ilə təsdiq edilmiş “2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı”na əsasən Azərbaycan respublikası Gənclər və İdman Nazirliyinin sifarişi əsasında inşa edilib.

Obyektin tikintisi üçün Bakı şəhər İcra Hakimiyyəti tərəfindən Xəzər rayonu, Şüvəlan qəsəbəsi, A.İldırım adına parkın ərazisində 0.24ha torpaq sahəsi ayrılıb.

Binanın I mərtəbəsində müdir, mühasibatlıq və 2 idarə otaqları, 25 nəfərlik kafe, mətbəx, gözətçi otağı, sanitar qovşaq var. Tikilinin II mərtəbəsində karyera mərkəzi, conversation club, vətənpərvərlik klubu, texnika və ixtiraçı klubu, gənclər üçün qaynar xətt xidməti otağı, elektron kitabxana, ekologiya dərnəyi, istedadlıların hazırlığı laboratoriyası, stolüstü oyunlar zalı, rəsmxət otağı və sanitar qovşaq var.

Bu mərtəbədə gənclər vaxtlarını asudə keçirir. İdmanın müxtəlif növlərilə məşğul olan gənclər bu mərtəbədə yaradılan şəraitdən bəhrələnirlər. Bundan başqa, istedadlı gənclər öz əl qabiliyyətlərini nömüyiş etdirmək üçün yaradılan rəsmxət zalından istifadə edirlər.

IlI mərtəbədə isə sərgi qalereyası, 45 yerlik konfrans zalı, peşə yönümlü mərkəz, ART studiya, video studiya, yaradıcılıq mərkəzi və sanitar qovşaq mövcuddu. Burada gənclər bəzi peşələrə yiyələnmək üçün bəhərlənirlər.

Bina lazımi inventar və avadanlıqlarla təchiz edilib. Bunlarla yanaşı baş plana əsasən ərazidə yeraltı su anbarı, qazanxana, nasosxana inşa edilib.

Qeyd edək ki, “Gənclər evi”ndə müasir kondisionerləşmə, ventilyasiya, işıqlandırma, yanğın siqnalizasiya sistemləri ilə təchiz edilmiş və obyekt daimi su, qaz, işıq, rabitə, internet xətləri ilə təmin edilib.