APA-nın Ukrayna mətbuatına istinadən yaydığı məlumata görə, səfər çərçivəsində Ukrayna və Azərbaycan prezidentlərinin təkbətək görüşü keçiriləcək, daha sonra görüş nümayəndələr heyətlərinin iştirakı ilə genişləndirilmiş formatda davam etdiriləcək. Dövlət başçıları ikitərəfli və regional əməkdaşlığını daha da dərinləşdirilməsi və genişləndirilməsi perspektivlərini müzakirə edəcəklər. Görüşdən sonra iki dövlət arasında əməkdaşlığın müxtəlif sahələrinə dair sənədlərin imzalanması mərasimi keçiriləcək, daha sonra prezidentlər mətbuat üçün bəyanatla çıxış edəcəklər.
Səfər çərçivəsində Azərbaycan və Ukrayna Prezidentlər Şurasının növbəti iclasının keçirilməsi də nəzərdə tutulur.
Xatırladaq ki, Ukrayna prezidentinin Azərbaycana səfərinə hazırlıq məqsədilə aprelin 21-də Bakıda Azərbaycan-Ukrayna hökumətlərarası komissiyasının doqquzuncu iclası keçirilib.