Bu barədə APA-nın şimal bürosuna tikintini həyata keçirən “AİKON CPİT” şirkətindən məlumat verilib.
Müasir standartlara uyğun alman texnologiyası əsasında tikilən memorial kompleksin hündürlüyü 12, eni 34, uzunluğu isə 70 metr olacaq.
Xatirə kompleksinin ümumi ərazisi isə 3,5 hektardır.
Qeyd edək ki, Azərbaycan prezidenti İlham Əliyev 2009-cu il dekabrın 30-da Quba şəhərində Soyqırımı Memorial Kompleksinin yaradılması haqqında sərəncam imzalayıb.
Kompleksin yaradılması məqsədilə 2009-cu ilin dövlət büdcəsində nəzərdə tutulmuş Azərbaycan Prezidentinin Ehtiyat Fondundan Quba rayon İcra Hakimiyyətinə 1 milyon manat ayrılıb. APA
Soyqırımı Memorial Kompleksi ilin sonunda istifadəyə veriləcək
Ermənilərin Azərbaycanda soyqırımı törətməsinin yeganə şahidi olan Quba məzarlığında inşa olunan Soyqırımı Memorial Kompleksi bu ilin sonunda istifadəyə veriləcək.
Şərhlər