Bakıda və Abşeron yarımadasında bu həftə havanın temperaturu artacaq. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin ANS PRESS-ə verdiyi məlumata görə, bu gün paytaxt və yarmadada günəşli hava şəraiti olacaq, cənub küləyi əsəcək. Havanın temperaturu gündüz 35-38°, axşam 24-27° dərəcə olacaq. Abşeron çimərliklərində dəniz suyunun temperaturu 26-27° kimi artacaq.

Sabah isə bəzi yerlərdə havanın temperaturu bəzi yerlərdə 40 dərəcəyə çatacaq. Şimal küləyi gündüz cənub küləyinə keçəcək. Dəniz suyunun temperaturunda da artım olacaq; 27-28 dərəcə.

İyulun 15-də şimal küləyinin sürəti arabir güclənəcək. Havanın temperaturu 21-37 dərəcə olacaq. İyulun 16-da dəyişkən buludlu, yağmursuz hava proqnozlaşdırılır. Şimal küləyi gecə və səhər arabir nisbətən güclənəcək. Temperatur 21-37 dərəcə olacaq.

Azərbaycanın rayonlarında da iyulun 14-də yağmursuz hava olacağı ehtimal edilir. Mülayim şərq küləyi əsəcək. Havanın temperaturu 20-39, bəzi yerlərdə 41 isə dərəcə olacaq.

İyulun 15-16-da əsasən yağmursuz hava olacaq. Lakin gecə bəzi dağlıq ərazilərdə şimşək çaxacağı, qısamüddətli az yağış yağacağı ehtimalı var. Qərb küləyi arabir güclənəcək. Havanın temperaturu 20-41, dağlarda 13-30 dərəcə qalxacaq.

Yaxın 2 gün ərzində Abşeron yarımadasında anomal isti hava şəraiti ilə əlaqədar gündüz saatlarında qızmar temperatur diskomfortu gözlənilir ki, bu da meteohəssas insanlar üçün risklidir./ANS PRESS/

Kəmalə Məmmədova /ANS PRESS/