Rusiyanın "Eurovision"da Azərbaycan duetini dəstəkləməsi bizim üçün çox dəyərlidir. ANS PRESS-in "Euronews" telekanalına istinadən verdiyi məlumata görə, Azərbaycanın mədəniyyət və turizm naziri Əbülfəs Qarayev belə deyib. Hal-hazırda Ümumdünya turizm və səyahət şurasının Las-Veqasda keçirilən 11-ci sammitində iştirak edən Əbülfəs Qarayev bununla bağlı Rusiyaya minnətdarlıq edib.

"Eldar və Nigar 221 bal toplayaraq 42 ölkəni geridə qoymaqla ilk dəfə Azərbaycanın tarixinə "Eurovision" qələbəsini gətirdilər" – deyə nazir qeyd edib.

Ə.Qarayev səsvermə zamanı və nəticələr bəlli olduqdan sonra Rusiyadan milli duetimizi dəstəkləyən zənglər aldığını da gizlətməyib.