Rəsmi Bakı Abxaziyada keçirilmiş "prezident seçkiləri"ni tanımır

Azərbaycan Xarici İşlər Nazirliyi Gürcüstanın ərazi bütövlüyünü və suverenliyini qəti şəkildə dəstəklədiyini bir daha bildirib. Ölkəmizin xarici siyasət idarəsi Abxaziyada 26 avqust 2011-ci il tarixində keçirilmiş qondarma prezident seçkilərini tanımadığını bəyan edib. Xarici İşlər Nazirliyinin mətbuat xidmətindən ANS PRESS-ə daxil olan bəyanatda deyilir ki, Azərbaycan Respublikasının Xarici İşlər Nazirliyi Cenevrə müzakirələrini tam dəstəkləyir və münaqişənin həlli istiqamətində hazırkı nizamlama prosesinin konstruktiv şəkildə davam etdirilməsinin vacibliyinə inanır.