Daxili işler naziri, general-polkovnik Ramil Usubov İtaliyanın Azerbaycandakı yeni sefiri Ciampaolo Kutillonu qebul edib. ANS PRESS DİN-in saytına istinaden xeber verir ki, qonağı salamlayan nazir sefir teyin olunması münasibetile onu tebrik edib, fealiyyeti müddetinde Azerbaycan-İtaliya elaqelerinin daha da derinleşeceyine ümidvar olduğunu bildirib.

R.Usubov sefire Daxili İşler Nazirliyinin funksiyaları ve fealiyyet istiqametleri, öten esrin 90-cı illerinin evvellerinde respublikamızdakı gergin ictimai-siyasi veziyyet, Ermenistanın tecavüzü ile kriminogen durumun daha da ağırlaşdığı barede melumat verilib.

Dövlet başçılarının siyasi iradesi ve qarşılıqlı seferler neticesinde ölkelerimiz arasındakı münasibetlerin daha da genişlendiyini diqqete çatdıran nazir öten il noyabrın evvellerinde İnterpolun Baş Assambleyasının İtaliyanın paytaxtı Roma şeherinde keçirilmiş 81-ci sessiyasında iştirakını, orada «Azerbaycan Respublikasının Daxili İşler Nazirliyi ve İtaliya Respublikasının Daxili İşler Nazirliyi arasında emekdaşlıq haqqında Saziş»in imzalanmasını memnunluqla xatırladıb, bu senedin her iki ölkenin analoji qurumları arasında emekdaşlıq üçün yaxşı imkanlar açdığını bildirib.

Daha sonra daxili işler naziri ölkemizin Avropaya inteqrasiya etdiyini, demokratik prinsiplere söykenen, polisin fealiyyetini tenzimleyen yeni qanunlar qebul edildiyini, bu işde bir sıra beynelxalq teşkilatların, inkişaf etmiş dövletlerin, o cümleden italiyalı mütexessislerin böyük rolu olduğunu, bu qanunların icrasının mühüm ehemiyyet kesb etdiyini qeyd edib. Qeyd olunub ki, insan hüquqlarının qorunması ile bağlı qanunvericiliyin ve beynelxalq hüquqi aktların müddealarının daha derinden öyrenilmesi meqsedile Polis Akademiyasında «İnsan hüquqları» üzre xüsusi kurs teşkil olunub.

Nazir ehalinin her 100 min neferine düşen cinayetlerin sayının azlığına göre Azerbaycanın MDB ve Şerqi Avropa mekanında öncül yerlerden birini tutduğunu qeyd eden R.Usubov cinayetkarlıqla mübarizede qazanılan uğurların, sabitliyin dönmezliyinin temin edilmesinin neinki ölke vetendaşlarının, elece de ecnebilerin tehlükesiz şeraitde yaşayıb işlemelerine, iqtisadiyyatımıza külli miqdarda xarici sermaye yatırılmasına imkan yaratdığını vurğulayıb.

R.Usubov Dağlıq Qarabağ münaqişesinin beynelxalq hüququn hamılıqla tanınmış prinsipleri ve normaları, Azerbaycanın erazi bütövlüyü çerçivesinde sülh yolu ile edaletli şekilde helli prosesine verdiyi desteye göre İtaliya terefine minnetdarlığını bildirib.

Daxili işler orqanlarının qarşılaşdığı problemlerden de danışan nazir transmilli müteşekkil cinayetkarlığın ayrı-ayrı növlerine, o cümleden narkotiklerin qanunsuz dövriyyesine, terrorçuluğa, qeyri-qanuni miqrasiyaya ve insan alverine qarşı mübarizenin tek bir dövletin işi olmadığını, bu sahelerde birge mübarize aparılmasının vacibliyini öne çekib.

Sefir Ciampaolo Kutillo semimi qebula ve etraflı melumatla göre minnetdarlığını bildirib, ölkelerimiz ve xalqlarımız arasında bir sıra oxşar cehetlerin mövcudluğunu xatırladaraq, Azerbaycanda özünü çox rahat ve tehlükesiz hiss etdiyini qeyd edib, elaqelerin daha da derinleşmesi istiqametinde seylerini esirgemeyeceyini diqqete çatdırıb.