Ağdamın “Qarabağ” klubunun 11 futbolçusu düşərgədən ayrılacaq. Buna səbəb futbolçuların milliyə dəvət almasıdır. “Qarabağ” futbol klubundan ANS PRESS-ə verilən məlumata görə, iyunda keçiriləcək Avropa çempionatının seçmə mərhələsinin oyunlarıyla əlaqədar olaraq klubun düşərgəsinə faks daxil olub.

AFFA-dan gələn faksda 8 futbolçunun - Fərhad Vəliyev, Rəşad Sadıqov, Maksim Medvedev, Rəşad Sadiqov, Elvin Məmmədov, Vüqar Nadirov, Əfran İsmayılov, Rauf Əliyev mayın 20-də saat 16:00-da AFFA-ya dəvət olunur. Millimiz iyunun 3-də Qazaxıstan, iyunun 7-də isə Almaniya ilə qarşılaşacaq.

Albaniya federasiyasından gələn faksda isə “Qarabağ”ın futbolçularından müdafiəçilər Admir Teli və Ansi Aqollinin mayın 30-da ölkə millisinin düşərgəsində olması göstərilir. Eyni zamanda Latviya millisi üçün də “Qarabağ”ın yarımüdafiəçisi Andrey Rubinsə dəvət gəlib.