Qanunsuz ov hallarına qarşı mübarizə davam etdirilir. Ekologiya və Təbii Sərvətlər Nazirliyinin aidiyyəti qurumlarının əməkdaşları Altıağac Milli Parkının ərazisində qanunsuz ovla məşğul olan 5 nəfər saxlayıblar. Nazirliyin mətbuat xidmətidən ANS PRESS-ə verilən məlumata görə, onlardan 5 ov silahı götürülüb, 1 nəfərə inzibati qaydada cərimə tətbiq edilib, digər 4 nəfərin şəxsiyyətinin müəyyən edilməsi üçün Xızı rayon polis şöbəsinə müraciət olunub.

Ağgöl Milli Parkının ərazisində qanunsuz ovla məşğul olan 8 nəfər saxlanılaraq onlardan 8 ov silahı və 96 patron götürülüb, 6 nəfərə inzibati qaydada cərimə tətbiq olunub, digər 3 nəfərin şəxsiyyətinin müəyyən edilməsi üçün Ağcabədi rayon polis şöbəsinə müraciət edilib.

Hirkan Milli Parkının ərazisində qanunsuz ovla məşğul olan 1 nəfər saxlanılıb, ondan 1 ov silahı götürülərək inzibati qaydada cərimə olunub.

Şirvan Milli Parkının ərazisində qanunsuz ovla məşğul olan 1 nəfər saxlanılaraq ondan 1 ov silahı, 17 patron və 1 patrondaşı götürülüb və həmin şəxs inzibati qaydada cərimə edilib.

Şahdağ Milli Parkının ərazisində qanunsuz ovla məşğul olan 9 nəfər saxlanılıb, onlardan 9 ov silahı, 4 patron və 1 baş Dağıstan turu götürülüb və qanunu pozmuş şəxslərin hər biri inzibati qaydada cərimə olunublar.

Qızılağac Dövlət Təbiət Qoruğunun ərazisində qanunsuz ovla məşğul olan 3 nəfər saxlanılıb, onlardan 3 ov silahı və 44 patron götürülüb və həmin şəxslər inzibati qaydada cərimə edilib.

Zaqatala Dövlət Təbiət Qoruğunun ərazisində qanunsuz ovla məşğul olan 8 nəfər saxlanılıb, onlardan 8 ov silahı və 10 patron götürülüb, 7 nəfər inzibati qaydada cərimə edilib, 1 nəfərin isə şəxsiyyətinin müəyyənləşdirilməsi məqsədi ilə Balakən rayon polis şöbəsinə müraciət olunub.

İlisu Dövlət Təbiət Qoruğunun ərazisində qanunsuz ovla məşğul olan 1 nəfər saxlanılıb, ondan 1 ov silahı və 4 patron götürülüb və inzibati qaydada cərimə edilib.

Samux Dövlət Ovçuluq Təsərrüfatının ərazisində qanunsuz ovla məşğul olan 5 nəfər saxlanılıb, onlardan 5 ov silahı və 4 patron götürülərək hər birinə inzibati qaydada cərimə tətbiq olunub.

Qırmızıkənd Ovçuluq Təsərrüfatının ərazisində qanunsuz ovla məşğul olan 4 nəfər saxlanılaraq onlardan 4 ov silahı və 2 patron götürülüb və hər biri inzibati qaydada cərimə edilib.

Zəvvar Ovçuluq Təsərrüfatının ərazisində qanunsuz ovla məşğul olan 3 nəfər saxlanılıb, onlardan 3 ov silahı və 4 patron götürülərək hər birinə inzibati qaydada cərimə tətbiq olunub.

Sarısu Ovçuluq Təsərrüfatının ərazisində qanunsuz ovla məşğul olan 2 nəfər saxlanılaraq onlardan 2 ov silahı və 40 patron götürülüb və hər biri inzibati qaydada cərimə edilib.

Mahmudçala Ovçuluq Təsərrüfatının ərazisində qanunsuz ovla məşğul olan 7 nəfər saxlanılıb, onlardan 7 ov silahı və 4 patron götürülərək hər biri inzibati qaydada cərimə olunub, 1 nəfərin isə ov hüququ 1 il müddətinə məhdudlaşdırılıb.

Ağzıbir Ovçuluq Təsərrüfatının ərazisində qanunsuz ovla məşğul olan 3 nəfər saxlanılıb, onlardan 3 ov silahı və 5 baş ördək götürülərək həmin şəxslər inzibati qaydada cərimə olunub.

Uludüz Ovçuluq Təsərrüfatının ərazisində qanunsuz ovla məşğul olan 1 nəfər saxlanılaraq ondan 1 ov silahı götürülüb və həmin şəxsə inzibati qaydada cərimə tətbiq edilib.

Ümumilikdə, 1 yanvar - 27 mart tarixlərində aparılan araşdırmalar zamanı 61 nəfər qanun pozucusundan 61 ov silahı, 229 patron götürülüb və qanun pozucularına qarşı 52 600 manat məbləğində cərimə tətbiq edilib. ANSPRESS