Aşura günu məscidlərdə toplanan qanlar Qan Bankına təhvil veriləcək.
Mərkəzi Qan Bankının baş həkimi İlhamə Zeynalovanın ANS-ə verdiyi məlumata görə, 7 məscidlə yanaşı qan bankında da aksiya keçiriləcək.
Baş həkimin fikrincə, Aşura günü qanverən insanların sayı çox olduğundan, bu aksiyanı imamların 7 və 40 mərasimlərində də keçirmək olar.

Baş həkim deyir ki, qanvermə insan orqanizmi üçün faydalıdır. Onun sözlərinə görə, qanverən insanlar da ilkin müayinə zamanı həkim və laborantlardan hər hansı bir xəstəliklərini gizlətməməlidir.

Qeyd edək ki, 2008-ci ildə qanvermə aksiyasında 2558 nəfər iştirak edib. Bu il isə məscidlərdən qan bankına müracətlər edilib və bildirilib ki, qan vermək istəyənlərin sayı çoxdur. Baş həkim əmin edir ki, yığılan qanlar ehtiyacı olanlara təmənnasız çatdılacaq.

Artıq bir neçə ildir ki, Qafqaz Müsəlmanları İdarəsi Aşura günü ilə bağlı vətəndaşları dini matəmi sakit şəkildə, qan çıxarmamaqla, özlərinə xəsarət vermədən keçirməyə, müqəddəs yerlərdə nizam-intizamı gözləməyə çağırır. Qafqaz Müsəlmanları İdarəsinin təşəbüssü ilə ənənəvi qanvermə aksiyasları keçirilir. anspress