Qadınları fahişəliyə cəlb etmə cinayətində təqsirləndirilərək axtarışa verilən Azərbaycan vətəndaşı yaxalanıb. Daxili İşlər Nazirliyindən (DİN) verilən məlumata görə, Səbuhi Axundov Azərbaycanda İnterpolun Milli Mərkəzi Bürosu və DİN-nin İnsan Alverinə Qarşı Mübarizə İdarəsi əməkdaşlarının birgə keçirdikləri əməliyyat-axtarış tədbirləri nəticəsində Birləşmiş Ərəb Əmirliklərində tutularaq respublikamıza gətirilib.

Qeyd edək ki, o, Xətai rayon Polis İdarəsi tərəfindən Azərbaycan Respublikası Cinayət Məcəlləsinin 243-cü (Fahişəliyə cəlb etmə) maddəsi ilə axtarışda olub. ANSPRESS