Bu gün Azərbaycan prezidenti İlham Əliyevin Siyəzən rayonuna səfəri başlayıb. Dövlət başçısı əvvəlcə Siyəzən şəhərinin mərkəzində salınmış Heydər Parkında Heydər Əliyevin abidəsini ziyarət edərək önünə gül dəstəsi qoyub.

Prezident İlham Əliyevə Heydər Parkında görülmüş işlər barədə məlumat verilib. Bildirilib ki, Heydər Əliyev prospektində yerləşən bu park 2010-cu ildə istifadəyə verilib. Bir hektardan çox ərazisi olan Heydər Parkında yaşıllıq zolağı genişləndirilib, yaraşıqlı fəvvarə kompleksi, sakinlərin istirahəti üçün hər cür şərait yaradılıb.

Mərkəzlə tanışlıqdan sonra Prezident İlham Əliyev Siyəzən şəhərinin yeni giriş hissəsi, Bayraq Meydanı və gənclər mərkəzinin eskiz layihəsini əks etdirən stendlərə baxıb. Dövlətimizin başçısı gələcəkdə həyətlərin abadlaşdırılmasını və mövcud ticarət obyektlərinin fasadlarının üzlənməsini əks etdirən stendlərlə də tanış olub.
Prezident İlham Əliyev görülmüş işlərdən razılığını bildirdi, tövsiyə və tapşırıqlarını verdi.
Dövlətimizin başçısı mərkəzin xatirə kitabına ürək sözlərini yazıb.

Mərkəzlə tanışlıqdan sonra Prezident İlham Əliyev Siyəzən rayon ictimaiyyətinin nümayəndələri və tibb işçiləri ilə görüşüb.