Ses tembri, insani keyfiyyetleri, xoş münasibeti, repde etdiyi evezolunmaz hereketlerile sevilib-seçilen reper Hüseyn Derya ile görüşüm ani oldu. Dişlerinde problem olduğu üçün bir neçe hefte görüşümüze gelmeyen reper nehayet ki, zeng edib, müsahibe üçün meni artıq mekanın yaxınlığında gözlediyini dedi.

Artıq müsahibe üçün hazır olan Derya ile bu gün müsahibem baş tutacaqdı. Müsahibeye çoxdan hazır idim. Uşaqlıqdan çox sevdiyim, mekteb zamanı hemişe Elşad Xose terefdarı olan sinif yoldaşlarımla dalaşdığım, onu müdafie etdiyim, replerini ezber bildiyim reper ile görüşe telesirdim. Düzü, uşaq kimi sevinirdim. Amma bilmirdim ki, bu görüşümüz son olacaq... Seheri gün yazını yazıb, hazır edecekdim ki, Hüseyn Deryanın ölüm xeberini eşitdim. Xeberi eşitdiyim an keçirdiyim hissleri sözlerle evez ede bilmediyim üçün sadece, size rehmetlik Hüseyn Deryanın son müsahibesini teqdim edirem:

- Haqqınızda çox şayieler gezdi. Kimi dedi Hüseyn Derya zeherlenib, kimi dedi hebs olunub. İndi necesiz?

- efruze xanım, gördüyünüz kimi, çox yaxşıyam. Hal-hazırda sizin qarşınızdayam, özü de ki, sağ-sağlam. Menim haqqımda yazılanlar doğru deyil. İnsan tanınmış olanda bezileri mız qoymalıdır. Bu şou-biznesin qanunudur. Bunsuz şou-biznes olmaz. Men qınamıram. Bir şey meni qezeblendirir ki, yazmışdılar ki, yeniden hebs olunmuşam. Bu da menim mediaya olan güvencimi azaldır. Men eger polise düşmüşdümse, "ATV” telekanalında menim ne işim var idi? Bu gün Azerbaycan şou-biznesinin yiyesi yoxdur. Men bunu qorxmadan, çekinmeden deyirem. Heç kim, hetta dövlet bele buna nezaret etmir. Kim kime ne isteyir deyir, kim kimin haqqında ne isteyir yazır, axırda da deyirler ki, eşşi, şou idi. Men buna şou kimi baxmıram. Bu menim heyatımdır. Mene aid olmayan şayieleri kim deyir, kim yazır, Allah qarşısında cavab verecekler. Men başa düşe bilmirem ki, bu boyda Azerbaycan Respublikasında şou-biznese yiyelik etmek isteyen yoxdur? Yoxdur, o zaman biz de ağzımızı açıb, ne istesek deyek, yalandan şer ataq.

- Narkotik istifade etmeniz barede hele de danışılır...

- Çünki yegane insanam ki, bunu etiraf etmişem. Millet qarşısında açıq-aşkar etiraf etmişem ki, narkotik istifade etmişem. Bir qeletdi, sehvdi etmişem, mene şans verin, meni özünüzden kesib atmayın, uzaqlaşdırmayın. Cemiyyete adaptasiya olunum. Xalq da bu şansı mene verdi. Menim özüm-özüme vurduğum en güclü zerbe hele de kimler üçünse menim zeif nöqtem kimi qalır. Amma bu, artıq menim zeif nöqtem deyil. Men bu deqiqe canlı yayımda bele qanımdan analiz verib, sübut ederem ki, men daha narkotik istifadeçisi deyilem. Axtarıb bir şey tapa bilmirler, keçmişdekilerden silah kimi istifade edirler. Bacarırsızsa, yeni silah tapın.

- Neçe vaxtdır ki, narkotik qebul etmirsiniz?

- 2008-ci ilden bu yana... 6 il olur.

- ekseriyyet narkomanın yeniden sağalması fikrine inanmır...

- Beli, cemiyyet özünden narkomanları kesib, atır. Nece ki, meni kesib, tullamışdılar. Narkotiki tergitmek üçün insana hekim lazım deyil. Sadece, insanın öz gücü, iradesi olmalıdır. Narkomaniya insanın psixologiya ve xarakteri ile bağlı emekdaşlıq eden xestelikdir.

- Bes siz nece tergitdiniz?

- Men hebsxanada tergitdim. Tutulduğum günden istifade etmek imkanım olmadı.

- Mehbus heyatı yaşamısınız...

- Beli. 38 yaşım var ve 38 ildir ki, mehbus heyatı yaşayıram. Men 38 ilin mehbusuyam. Sadece bir ferq var ki, bir gün orada, bir gün burada... Bu mehbus heyatım neçe il gedecek, getmeyecek bilmirem...Yeni bir mahnım var yeni albomumda... Qulaq as, efruze, demeli, orada deyirem ki,

Deme zindana düşersense, görersen zindan,
Bu heyatın özü zindandı, görür her insan.
Her kimin qismetine zindanı yazmış, yaradan
Gün geler, özü de ona yar olacaq, inşallah!
Her gece etsem dua, çağırsam da Allahımı,
Eşidir, cavab vermir, çünki görür günahımı.
Tanrım, her kim ki menim üzüme bağlayıb qapımı
Daş olan qelbine rehmi salacaq, inşallah!
Çatacaqdır ecelim, men yumacam gözlerimi,
Uzanıb qare mezarda açacam dizlerimi.
Gelecekdir gelecek, her kimki oxusa sözlerimi
ebedi ruhuma rehmet oxuyacaq, inşallah!

Men, rehmet ve ebediyyet üçün yaşayan insanam. Menim bu dünyanın var-dövletinde gözüm yoxdur. Ferqi yoxdur, zindan olur, ya müharibe... Bir dene qelemimi elimden almasınlar. Hebsxanada Nizami Quliyev idi reisim... Demeli, ona da deyirdim ki, Nizami müellim, azadlığımı elimden alırsınız, alın, ixtiyarımı da elimden alırsız, alın. Eybi yoxdur... Çöreyimi de elimden alırsız, alın. Bir dene bu qelemimi elimden almayın, men onunla yaşayıram. Deyirdi ki, bala, get karsa. Al, bu da sene qelem. Get orada yaz. (gülürük-red)
Hebsxanada da gördüler ki, senete bağlı insanam.

- Oralarda senet adamlarına xüsusi hörmet olur?

- evvel olur. Ümumiyyetle, çölden gelen her teze insana hörmet olur. Tanınmış insan hebsxanaya düşürse, bu da olduqca maraqlı bir şeydir. Amma o da qısa müddetli olan şeydir. Çölde kim olmusan, olmusan, amma bütün insana verilen qiymet içerideki hereketlerine göredir. İnsanlarla davranışın, merifetin, qabiliyyetin, sözü bütövlüyün, niyyetinin paklığı ve s. müsbet cehetler içeri düşen insanda varsa, senin tanınmış biri olduğuna ehtiyac yoxdur. İnsan kimi o cemiyyet terefinden onsuzda qebul olunacaqsan. Çölde heç kime pislik eden insan olmamışam. Ne pislik etmişem, özüme etmişem. Menden yalnız yaxşılıq görüb bu insanlar... Hebsxanada da çölde etdiyim yaxşılıqlar qarşıma çıxdı. Şükür olsun. Size bir sirr de açım; heyatımda birce defe özümle fexr etmişem, o da hebsxanada... en qorxulu yer, menim gözümde güllü-çiçekli görünürdü. Men orada bir dene azadlıqdan mehrum olmuşdum. Başqa heç bir ferq yox idi. İster yaşayış terzim, isterse de mene qarşı olunan hörmet heç de ferqli deyildi. Düzdür, bütün gün kelem dolması yemirdik. Heç men indi de bütün gün kelem dolması yemirem. Bir de görürsen, kelem dolması bişir, onda da yemirem. Biz artmaq üçün yox, yaşamaq üçün qidalanırıq. Nefesimiz qalsın sadece...

- en çox neye peşmansınız?

- Heç neye. Niye peşman olum ki? Yazan bele yazıb. Bir dene teessüf etdiyim, narkotikaya qurşanmağım oldu. Amma o cehetim de, mene etrafımı tanıtdı. Narkotikaya bağlılıq cinayet yox, xestelikdir. Ve men sadece xeste idim. Xeste olan zaman da menim ehatem bunu behane edib, meni atıb, getdi. Halbuki, menim onların kömekliyine ehtiyacım var idi. Belke de onlar mene kömek etseydi men daha ağrılı-acılı günler yaşamazdım. Belke de tutulmazdım. O meqamda ki, men insanlardan kömek gözleyirdim, o zaman men insanlardan tepik gördüm. O meqamda ki, insanlardan kömek gözlemirdim, o zaman insanlar mene kömek etdi. Başadüşülmeyen heyatdır. Her acı sonluq sabahın başlanğıcıdır. Bilirsen, bir insanı ki yıxmaq isteyirsen, o zaman hemin insanı narkotikaya alude ele. Sonrasında sen yox, o özü-özünü yıxacaq!

- O, ağrılı-acılı günlerim oldu deyirsiniz ... Bax o zaman kim Deryanı tek buraxmadı?

- Heç kim.

- Bes aileniz?

- Aile sayılmır ki... O, ailenin borcu idi. Hemin hereketi aile "çox sağ ol” üçün ede bilmezdi. Men aile qurdumsa, övlad dünyaya getirdikse, bu da ele. Nece ki, her insanın borcu namaz qılmaqdır. Biz onu "çox sağ ol” xatirine etmemeliyik. Allah bize yox, biz Allaha çox sağ ol demeliyik ki, sen bizi heyvan yaratmamısan, insan yaratmısan. Yegane varlıq insandır ki, Allah ona şüur verib. Men eger Sona xanımla aile qurmuşdumsa, Sona gelmeliydi, borcunu yerine yetirmeli idi.

- Geldi?

- elbette, geldi. Özü de ki, Sona men nece isteyirdim, ele de gelirdi. Bir kelmemle qışın covğununda bele, Sona hebsxanaya gelirdi. Behane etmirdi ki, sabah işim var. Bax, bele şeylere göre men Sonaya "sağ ol” deyirem. Aile münasibetlerinden artıq Sonanın mene addımları olub. Ona göre de sağ olsun. Aileni çıxsaq, reper Dado gelib. Qalan heç kim. Ne esger, ne sinif yoldaşlarım, ne de ki, şou-biznesden kimse gelmeyib. Amma bu gün hamı meni axtarır, toya çağırır. Men de her kesin toyuna pulumu alıb, gedirem. (gülür-red) Heyat beledir. İnsan en vehşi mexluqatdı ve her şeye qadirdir.

- Bu gün Azerbaycanda rep var? Repin atası kimdir?

- Rep var ki, siz bu gün menden müsahibe alırsız. Repin ağsaqqalı, veteranı Anar Nağılbazdır. Repin atası ise yoxdu. Biz de heç teze rep demirik.

- Rep üçün Derya bu gün ne edir?

- Men rep üçün ne etmemişem ki?!. Bu gün repi efir ve dünya seviyyesine kim çıxarıb ? Bu gün prezident ve deputat seçkilerinde rep... Dövlet layihelerinde, tedbirlerde, elametdar günlerde, toylarda rep. Bunu kim edib?

- Siz.

- elbette! İlk defe meyxana ve muğamla repi sintez eden de men olmuşam. "Aslanskiy” nominasiyanı 15 respublika arasından Azerbaycana da men getirmişem. Ve menden sonra da o nominasiyanı MDB-de heç bir repere vermeyibler. 2004-cü ilde "İlin en yaxşı reperi”, "İlin ifaçısı” ve "İlin albomu” nominasiyalarını da alan men olmuşam. İlk defe Ü. Hacıbeyov diplomunu kim alıb? Men. "Yaşa, Azerbaycan” adlı prezident mükafatına da ilk defe men layiq görülmüşem. Men, men deyirem, amma bu özünden müştebehlik deyil. Sadece, etdiklerimi sadalayıram.

- O zaman siz repin kimisiz?

- Onu men deye bilmerem. Nece özüme ad qoyum? Repde kifayet qeder çekim var. Onu rep auditoriyası deye biler ki, men repin kimiyem. Rep bir defe çıxıb efire nese demek deyil. Ona qalsa, bele bir şey deyim:

Oturmuşam, men efruzla yan-yana,
Ferqi yoxdu çıxacam bu gün ekrana,
Ordan da deyecem bütün Azerbaycana,
Qoşulun bize, gel birge kef edek!

Bir dene bu rep deyil ki. Ala-bula boz keçini de rep kimi desen, o da repdir de. Reperin funksiyası tekce rep demek deyil. O baxımdan bu gün özüme reqib görmürem. Vaxtında menim şou-biznesde qazandığım pulu heç kim qazanmadı. Amma men heç neyi altımda imaret eletdirmedim. Çünki men esl senetkaram. Menim gözümde ancaq senetdir. Men ölenden sonra da yaşayacağam. Amma hele ölmeyecem... Menim xoşbextliyim Allahın meni bu dünyada cezalandırmasıdır. Bu dünyada cehennem ezabı çekirem ve o dünyaya aparası günahlarım qalmır. Adamlar var ki, bu dünyada kef edib, o dünyada cehennem ezabı çekecekler. Amma bu edaletsizlik olar ki, bu dünyada da cehennem ezabı çekim, o dünyada da...

- Heyatdan narazı Hüseyn Derya...

- Menim heyatım qeyri-adi heyatdır. Men bunu artıq başa düşmüşem. Milyonların yaşadığı heyatı da yaşamışam, milyonların qaçdığı heyatı da...Allah-teala her şeyi görür. Özü biler. Amma insan ne qeder zülm içinde eziyyet çeker? Ne oldu e ele ... Heç olmasa, bir ay üzümüz gülsün de... Eh...

- Hüseyn Derya bu gün nece dolanır? Gelir yeri haradandır?

- Oxumaqdan. Sadece, dostlarım mene kömek edir. Pul verirler ki, al bu 10 manatı, benzin vurarsan. Bele dolanıram. Amma qoy tam sağalıb, ayağa durum, göreceksiz...

Amma çox teessüf, Derya deryalara qerq oldu. Heyat ona imkan vermedi ki, üreyindekileri heyata keçirsin. 38 yaşında bizi terk eden Hüseyn Deryaya Allahdan rehmet dileyirik!