Bu gün Bakıda Heydər Əliyevin hakimiyyətə gəlişinin 40 illiyi qeyd olunacaq.

Bu münasibəti ilə bu gün Milli Parkda konsert proqramı keçiriləcək. Bakı şəhər icra hakimiyyətinin təşkil etdiyi konsert saat 21:00-də saat qülləsinin yanında, ağ fəvvarənin qarşısında təşkil olunacaq. Bayram konsertinin sonunda isə atəşfəşanlıq olacaq.

Qeyd edək ki, Heydər Əliyev Azərbaycan Kommunist Partiyası Mərkəzi Komitəsinin 1969-cu il iyulun 14-də keçirilən plenumunda mərkəzi komitənin birinci katibi seçilib. /ANS TV/