Məlumata görə, hazırda Azərbaycan Respublikası Baş prokuroru yanında Korrupsiyaya Qarşı Mübarizə İdarəsi tərəfindən Goranboy rayon Təhsil Şöbəsində yoxlamalar aparılır.

Faktla bağlı Baş Prokurorluğun mətbuat xidmətindən məlumat almaq mümkün olmayıb.

Təhsil Nazirliyinin Kənd rayonları üzrə ümumtəhsil və məktəbəqədər təhsil şöbəsinin müdiri Aydın Əhmədov isə APA-ya bildirib ki, o bu barədə səhər işə gələrkən eşidib: “Elmar Əliyevin nədə ittiham olunduğunu və hansı səbəbdən tutulduğunu hələ bilmirəm. Korrupsiya İdarəsinin apardığı araşdırmaların nəticəsini gözləməliyik, bundan sonra bizim özümüzün də müəyyən qərarlarımız olacaq”.

A. Əhmədov E. Əliyevin bir neçə ildir, təhsil şöbəsinin müdiri işlədiyini deyib: “İndiyədək onun özü ilə bağlı nazirliyə hər hansı neqativ məlumat daxil olmayıb. Elmar Əliyev işlədiyi dövrdə hər hansı cəza da almayıb”.

 

APA