Horadiz şəhərində erməni işğalı zamanı yandırılmış və dağıdılmış evlər Prezident İlham Əliyevin 2013-cü il 27 iyun tarixli Sərəncamına uyğun olaraq bərpa edilir.

Sərəncama əsasən, 227 fərdi evin və 3 çoxmənzilli binanın bərpası məqsədilə Füzuli Rayon İcra Hakimiyyətinə Azərbaycan Respublikası Prezidentinin ehtiyat fondundan 6 milyon manat ayrılıb.

Füzuli Rayon İcra Hakimiyyətindən verilən məlumata görə, evlərin bəzisi bərpa edilir, tamamilə dağıdılmış evlər isə yenidən tikilir.

Artıq 219 evdə bərpa işləri başa çatdırılıb, onlardan 172-si sahiblərinə verilibdir.

Hazırda 8 evin bərpası, 3 kommunal binanın tikintisi davam edir.