Ekologiya Nazirliyi xəbərdarlıq etdi

Ekologiya və Təbii Sərvətlər Nazirliyi əhaliyə xəbərdarlıq edib. Nazirlik dekabrın birinci ongünlüyün sonunadək ölkə ərazisində qeyri-sabit hava şəraitinin davam edəcəyini bildirib. “Yağıntılı olacağı, bəzi yerlərdə sulu qar, dağlıq və dağətəyi rayonlarda qar yağacağı gözlənilir.

Temperaturlar ötən günlərə nisbətən aşağı enəcək”.
Qeyri-sabit hava şəraiti ilə əlaqədar çaylarda sululuğun artacağı istisna olunmur.

Qeyd edək ki, dekabrın 8,9-u və 10-da Bakıda və Abşeron yarmadasında şimal küləyi əsəcək, arabir yağış yağacaq. Azərbaycanın rayonlarında hava yağıntılı olacaq, bəzi yerlərdə sulu qar, dağlıq və dağətəyi rayonlarda qar yağacağı gözlənilir. ANSPRESS