Almaniya Azərbaycanın ərazini bütövlüyünü dəstəkləyir. Bunu Bakıda səfərdə olan Almaniyanın İnsan Haqqları və Humanitar Yardım üzrə Müvəkkili Markus Löninq bildirib.

“Mən 8 il əvvəl ilk dəfə sizin ölkədə olarkan qaçqınların yaşayış tərzini gördüm və bu mənə çox pis təsir etdi. Mənim bu dəfəki səfərimin məqsədi qaçqınlar mövzusundan kənar olsa da, mən bir daha öz hökumətimin fikrini demək istəyirəm. Almaniya Azərbaycanın ərazi bütövlüyünü dəstəkləyir", deyə Markus Löninq qeyd edib

"Xarici işlər naziri cənab Hido Vestervelle bildirmişdi ki, Minsk qrupu çərçivəsində olan danışıqlar bu məsələnin həllini irəli aparmalıdır. Bu münaqişə sülh yolu ilə həll olunmalıdır”, deyə Markus Löninq əlavə edib.