Ötən ilin dekabrında Azərbaycanın beynəlxalq ehtiyatlarının həcmi əvvəlki ayla müqayisədə azalıb. Bu göstərici 274,9 milyon dollar azalaraq 5 mlrd. 668 mln. dollara düşüb. “İqtisadi forum” jurnalının Mərkəzi Banka istinadən verdiyi məlumata görə, noyabrda ölkənin beynəlxalq ehtiyatlatrının həcmi 5 mlrd. 943 mln. dollar olub.

2009-cu ilin yanvar ayı ilə müqayisədə beynəlxalq ehtiyatların həcmi ilin sonuna 13,6 faiz və ya 773 milyon dollar azalıb. Yanvar ayında isə bu göstərici 6 mlrd. 441 mln. dollar təşkil edib.

Beynəlxalq ehtiyatın 5 mlrd. 365 mln. dollarını xarici valyutada yerləşdirilən aktivlər təşkil edir. Ölkənin BVF-dəki ehtiyat mövqeyi 0,1 mln. dollara bərabərdir. SDR-də (xüsusi borclanma hüququ) yatırılan vəsaitin həcmi 302,9 mln dollardır.

Qeyd edək ki, ölkənin beynəlxalq ehtiyatlarının tərkibinə qızıl yoxdur. Beynəlxalq ehtiyatlar hesablanarkən Neft Fondunun vəsaiti nəzərə alınmayıb. ANSPRESS