Baş redaktora 13.3 il iş verildi

Bu gün Ağır Cinayətlərə Dair İşlər üzrə Məhkəmədə “İdeal” qəzetinin baş redaktoru Nazim Quliyevə hökm oxunub.

ANSPRESS-in məlumatına görə, hakim Azər Orucovun sədrliyi ilə keçirilən prosesdə N.Quliyevin 13 il 3 ay müddətinə azadlıqdan məhrum edilməsi barədə hökm verilib.
Hökmə əsasən, baş redaktorun əmlakı da müsadirə olunub.

İttihama görə, N. Quliyev Azərbaycan Respublikası Cinayət Məcəlləsinin 182.2-ci (hədə-qorxu ilə tələb etmə), 182.2.3-cü (hədə-qorxu ilə tələb etmə zor tətbiq etmə ilə törədildikdə), 182.3.2-ci (külli miqdarda əmlak əldə etmək məqsədi ilə törədildikdə), 221.1-ci (xuliqanlıq), 234.1-ci (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə təqsirləndirilib. ANSPRESS