Yağıntının güclü küləklə müşayiət olunması nəqliyyatın hərəkətini çətinləşdirib. Hazırda əksər istiqamətlərdə nəqliyyatın, xüsusilə sərnişin avtobuslarının hərəkətində ciddi problemlər törədir. Bəzi istiqamətlərdə uzun tıxaclar yaranıb. Çətin hava şəraiti ilə əlaqədar Heydər Əliyev Beynəlxalq Hava Limanı fəaliyyətini müvəqqəti dayandırıb. Hava limanından bildiriblər ki, ölkəyə gələn aviareyslər qəbul olunmur və Bakıdan xarici ölkələrə uçuşlar yerinə yetirilmir. Hazırda aeroportun uçuş zolaqlarının təmizlənməsi davam edir. Sinoptiklər qarlı hava şəraiti yaxın 2-3 gün ərzində davam edəcəyini bildirirlər. APA