Bakı Şəhər İcra Hakimiyyəti və AzTV müstəqil Azərbaycan dövlətinin qurucusu Heydər Əliyevin respublikamızda siyasi hakimiyyətə gəlməsinin 44-cü ildönümü münasibətilə iyulun 14-də Dənizkənarı Milli Parkda bayram konserti və möhtəşəm atəşfəşanlıq təşkil edib.

AzərTAc xəbər verir ki, bir neçə saat davam edən konsertdə və şənlikdə şəhərimizin minlərlə sakini və paytaxtımızın qonaqları ölkəmizin tanınmış incəsənət ustalarının çıxışlarını böyük maraqla dinləyiblər.

Milli Parka toplaşanlar atəşfəşanlığı seyr ediblər.