Bakı şeherinin medeni irsinin ve turizm potensialının geniş tebliğ olunması meqsedile Azerbaycan Respublikası Medeniyyet ve Turizm Nazirliyinin teşkilati desteyi ile dünya brendi kimi tanınan "City Sightseeing Worldwide" Şirketi ile bağlanmış razılaşmaya esasen Bakı şeherinde şirketin nümayendeliyi yaradılıb. Medeniyyet ve Turizm Nazirliyinin metbuat xidmetinden ANS PRESS-e verilen melumata göre, 2014-cü il 3-5 aprel tarixlerinde keçirilecek "AİTF 2014" XIII-cü Azerbaycan Beynelxalq Turizm ve Seyahetler Sergisinin ilk günü Bakı Expo Merkezinde layihenin esas teqdimat merasimi keçirilecek.

"City Sightseeing Worldwide" Şirketi ikimertebeli üstüaçıq avtobuslarda ekskursiyalar teşkil eden dünyanın aparıcı operatorlarından biridir. Müessise 1999-cu ilde İspaniyanın Sevilya şeherinde yaradılıb. Fealiyyetini cemi 4 turla başlayan "City Sightseeing" Şirketi hal-hazırda dünyanın 33 ölkesinin 100-den artıq şeherinde turistlere ve yerli ehaliye şeherin tarixini ve medeniyyetini eyani şekilde göstermek üçün audioqid vasitesi ile ekskursiyalar teşkil edir.

2013-cü ilde bu şirket 1000-den çox avtobusda 10 milyondan artıq insana ekskursiya xidmeti gösterib. Şeher turu üçün elde edilmiş bileti 24 saat erzinde "hop on - hop off" sistemi ile istifade etmek olar. Yeni, her bir şexs istenilen dayanacaqda düşüb növbeti avtobusla ekskursiyanı davam ede biler.

Bakı şeherinde teşkil edilecek bu şeher turları Bakı şeher İcra Hakimiyyeti ve Bakı Şeher Baş Dövlet Yol Polisinin tesdiq etdiyi marşrut üzre qış mövsümünde seher saat 11:00-dan axşam saat 20:00-dek, yay mövsümünde ise seher saat 11:00-dan axşam saat 22:00-dek 30 deqiqe intervalla hereket edir. Marşrutun uzunluğu texminen 15 km ve 1 saat 30 deqiqe teşkil edir. Yay mövsümünde avtobusların dam hissesi açıq veziyyetde, qış mövsümünde ise bağlı olacaq.

"Gülerüz Kobra" MAN markalı avtobuslarda ekskursiyalar xüsusi sistemle yaradılmış avadanlıq vasitesile 8 dilde (azerbaycan, rus, ingilis, ispan, alman, fransız, fars ve yapon) seslendirilecek. Bunun üçün her bir şexse avtobusa daxil olduqda qulaqcıqlar paylanacaq. Xarici vetendaşlar üçün biletin qiymeti 20 manat, Azerbaycan Respublikasının vetandaşları üçün 10 manat teşkil edecek. Biletin sahibi bileti elde etdiyi andan etibaren 24 saat erzinde istenilen miqdarda avtobusa daxil olub turunu davam ede biler. Jurnalistler, otel işçileri, 5 yaşa qeder uşaqlar ve elil insanlar üçün giriş pulsuz olacaq. Qarabağ veteranları, teqaüdçüler ve telebeler müvafiq vesiqelerini teqdim etdikde, onlar üçün biletin qiymeti 5 manat teşkil edecekdir. Aprel ayının 04-de saat 15:00-da Azadlıq meydanının qarşısında (yolun Denizkenarı Bulvar hissesinde) Kütlevi İnformasiya Vasitelerinin nümayendeleri üçün metbuat turu teşkil edilecek.