Hesabatda dünya əhalisinin sayının indiki 6,8 milyard nəfərdən 2050-ci ildə 9,1 milyard nəfərədək artacağı proqnozlaşdırılır. Planetin əhalisinin artması fonunda 45 dövlətin əhalisinin sayı azalacaq. Belarus, Bolqarıstan, Almaniya, Latviya, Litva, Moldova, Polşa, Rusiya, Rumıniya və Ukraynada əhalinin 2010-2050-ci illərdə 10 faiz azalacağı proqnozlaşdırılır. Hesabat müəllifləri bu ölkələrə əhali azalmasını mühacir axını hesabına kompensasiya etməyi məsləhət görürlər. BMT-nin proqnozlar şöbəsinin hesablamalarına görə, 2050-ci ilə kimi Gürcüstanda əhalinin sayı 4,4 milyon nəfərdən 3,1 milyon nəfərə, Ermənistanda isə 3 milyon nəfərdən 2,5 milyon nəfərədək azalacaq.