Azərbaycanın Yevlax rayonundakı məktəbdə yanğın hadisəsi qeydə alınıb. Fövqəladə Hallar Nazirliyinin rəsmi saytının məlumatına görə, rayonun Tanrıqulular kəndində ümumi sahəsi 144 kvadratmetr olan, hazırda vətəndaşlar tərəfindən yaşayış evi kimi istifadə olunan məktəb binasının yanar konstruksiyaları yanıb.

Yanğın fevralın 18-də saat 00:45 radələrində yanğınsöndürənlər tərəfindən söndürülüb. Alovun həmin tikiliyə bitişik olan uşaq bağçasına keçməsinin qarşısı alınıb. İlkin ehtimala görə, hadisəyə səbəb elektrik naqillərindəki qısaqapanma olub.

Hazırda faktla bağlı araşdırma aparılır. ANSPRESS