Bakının Yasamal rayonu ərazisində yerləşən bazarda bomba həyəcanı yaşanıb. Yasamal rayon Polis İdarəsindən ANS PRESS-ə verilən məlumata görə, Fövqəladə Hallar Naziliyinin (FHN) “112” xidmətinə Yasamal bazarına partlayıcı qurğu yerləşdirilməsi barədə məlumat daxil olub.

Dərhal FHN-in xilasetmə qüvvələri axtarış-xilasetmə tədbirlərinin görülməsi üçün hadisə yerinə gəlib. Digər aidiyyəti qurumlar da hadisə ilə bağlı məlumatlandırılıb. FHN-in mütəxəssisləri hüquq-mühafizə orqanlarının əməkdaşları ilə birgə bazar ərazisindəki ticarət obyektlərində, xidməti binalarda və nəqliyyat vasitələrində axtarış işləri aparıb. Məlumat öz təsdiqini tapmayıb.

Anonim zəngin kim tərəfindən edilməsini müəyyən etmək üçün əməliyyat-axtarış tədbirləri aparır. ANSPRESS