Naməlum şəxslər Dağıstan Milli Məclisinin sədr müavini Nikolay Alçiyevin maşınını atəşə tutublar. Xoşbəxtlikdən Respublika Parlamentinin vitse-spikeri xəsarət almayıb.

İnsident Moskva vaxtı ilə təqribən 16:30-da Kaspiysk rayonundan keçən federal avtomobil yolunda qeydə alınıb. “VAZ-2109” markalı avtomobillə Mahaçqalaya gedən Alçiyevin maşınını ötüb keçən naməlum şəxslər ona atəş açmağa başlayıb.

Hazırda hadisə yerində operativ əməliyyat tədbirləri həyata keçirilir. ANSPRESS