Bu gün saat 16:00 radələrində Ələt – Astara magistralının 187.5 kilometrliyində yol-nəqliyyat hadisəsi baş verib. ANS PRESS-in bölgə müxbirinin verdiyi məlumata görə, hadisə Lənkəranın Liman şəhəri ərazisində qeydə alınıb.

29 yaşlı İsmayılov Əli Tanrıverdi oğlunun idarə etdiyi “VAZ 2107” markalı 42 BM 182 dövlət nömrə nişanlı avtomaşın, Lerik rayon sakini 32 yaşlı Şıxcanov Aslan Xalıq oğlunun idarə etdiyi 42 BJ 021 dövlət nömrə nişanlı avtomaşınla toqquşub.

İnsident nəticəsində “VAZ 2106” markalı avtomaşın yaxınlıqdan keçən su kanalına düşüb. Xoşbəxtlikdən xəsarət alan olmasa da, avtomaşınlara ciddi ziyan dəyib. “VAZ 2106” sürücüsünün sözlərinə görə o, evinə dönmək istəyərkən, “VAZ 2107” avtomaşını onu arxadan vurub.

Faktla bağlı araşdırma aparılır. ANSPRESS