Bakının Yasamal rayonu ərazisindən keçən Zərdabi küçəsində, “Tri korona” restoranı yaxınlığındakı yaşayış binasının 6 və 7-ci mərtəbələrində yanğın baş verib. Hadisə nəticəsində xəsarət alanlar barədə məlumat yoxdur.

Yanğının başvermə səbəbləri dəqiqləşdirilir. İlkin məlumatlara görə, mənzillərdən birində məişət qazından partlayış baş verib. Hadisə yerinə beş yanğınsöndürən və iki təcili tibbi yardım maşını gəlib.

Fövqəladə Hallar Nazirliyinin (FHN) əməkdaşları yuxarı mərtəbələrin sakinlərini evakuasiya ediblər. Hazırda yanğın söndürülüb. İnsident yerində FHN-nin əməkdaşları işləyir.

Yasamal rayon Polis İdarəsindən verilən məlumata görə, yanğın mənzillərdən birində qısa qapanma nəticəsində baş verib. anspress